ملتان 08 مارچ (اے پي پي) خارجه وزير مخدوم شاہ محمود قرېشي وئيلي دي بې باورۍ تحريك وړاندې كول د اپوزيسن آئيني حق دے٬ مونږ به په آئيني٬ قانوني او سياسي ډول د هغوي مقابله كوٶ٬ د اپوزيشن د يو الټي مېټم څخه نه ېرېږو ٬ په مړانه به مقابله كوٶ ٬ اپوزيشن د خپل سباٶن جنګ كوي٬ پيپلز پارټي هېواد نه خپله خزانه بچ كولو لپاره راوتې ده ٬ د چوهدري برادران سره ډېر وخت تېر شوے ھغوي د لوظ پاخه دي ۔ د نهې په ورځ خپل بيان كښې شاہ محمود قرېشي ووئيل د اپوزيشن عدم اعتماد ته به كه خدائے كړے خېر وي نو ماتې وركوٶ۔ ده ووئيل لږ وخت وړاندې زما وزيراعظم عمران خان سره خبرې شوي٬ مقابله به كوٶ۔ ده ووئيل دا سياست دے ھغوي به خپل وس لاس كوي او مونږ به خپله دفاع كوٶ٬ ق ليګ ٬ اېم كيو اېم او بلوچستان عوامي پارټي به د دوي ملګرتيا ولې كوي؟۔ ده ووئيل د اپوزيشن اقداماتو په شا چې كوم محركات دي وزيراعظم ترې ښه خبر دے، ځكه چې د اپوزيشن د تحريك پحقله زه څه معلومات لرم د دې معلوماتو نه به ډېر زر قام خبروم۔ ده ووئيل وزيراعظم چې څه هم پرېكړه كوي ھغه به د هېواد او پارټۍ په ګټه وي٬ عمران خان مرورو غړٶ سره رابطه كړې او ھغوي ئې پوهه كړې هم دي ٬ په جمهوريت كښې ګيلې مانې وي۔ ده ووئيل زه باور لرم چې د پارټۍ ټول غړي به سمه پرېكړه كوي او د عمران خان د پرېكړو به ملګرتيا كوي
د اپوزيشن د الټي ميټم څخه نه ېرېږو ٬ په مړانه به مقابله كوٶ٬ چوهدري برادارن د لوظ تر سره كٶونكي دي۔ شاہ محمود قرېشي
مضمون کا ماخذ : ڈریگن اسپن
متعلقہ مضامین
