اسلام آباد۔7جنوری (اے پی پی) وزیراعظم محمد شہبازشریف آکھیا جو متحدہ عرب امارات دا 2 ارب ڈالر دی ادائیگی موخر کرݨ دا فیصلہ کیتے، یو اے ای دے صدر پاکستان اچ سرمایہ کاری بارے آپݨا عزم کیتے۔ بجلی دے نرخ ڳھٹ کرݨ کیتے صوبیاں نال رَل تے دستیاب آپشنز تے کم کریندے پئن۔ برآمدات تے توجہ ݙیوݨی پوسی۔ انڈونیشیا دے صدر دے دورہ پاکستان دی تیاریاں کوں چھیکڑی شکل ݙتی ویندی پئی اے۔ معیشت اچ استحکام امدا پئے، اساں آپݨا ونڄیا مقام جلدی ڳھنسوں۔ اے ڳالھیں انہاں منگل کوں وفاقی کابینہ دے اجلاس اچ ڳالھ مہاڑ کریندیں ہو??یں آکھی۔ وزیراعظم آکھیا جو آݙت وار کوں رحیم یار خان اچ متحدہ عرب امارات دے صدر شیخ محمد زید نال ملاقات ٻہوں فیدہ ??ند رہی ج??یں اچ آپسی تعلقات کوں مضبوط کرݨ اتے سرمایہ کاری ودھاوݨ دا جائزہ ڳھدا ڳئیا۔ یو اے ای دے صدر توں میں سرمایہ کاری ودھاوݨ دی درخواست کیتی ج??یں تے انہاں آپݨی کمٹمنٹ کیتی اتے آکھیا جو پاکستان نال او آپݨے برادرانہ تاریخی تعلقات کوں اہمیت ݙیندن۔ وزیراعظم ݙسیا جو یو اے ای دے صدر نال ون آن ون ملاقات وی تھئی اے۔ انہاں میݙی درخواست تے ݙو ارب ڈالر دی ادائیگی جو جنوری اچ ݙیوݨی اے موخر کرݨ دا فیصلہ کیتے۔ وزیراعظم کابینہ کوں ݙسیا جو بجلی دے نرخ ڳھٹ تھیوݨ ت??یں زراعت ، صنعت ، برآمدات اتے تجارت ترقی نی کر سڳدی۔ وزیراعظم آکھیا جو نمو کیتے بجلی دے نرخ ڳھٹ کرݨ ٻہوں ضروری اے۔ آئی ایم ایف نال اے معاملہ چاتا ویسی۔ وزیراعظم “سمیڈا” کوں پاکستان دی ترقی اتے خوشحال?? کیتے اہم قرار ݙیندیں ہو??یں آکھیا جو اے معیشت دی ترق?? کیتے ریڑھ دی ہڈی دی حیثیت رکھیندے۔ وزیراعظم کابینہ کوں ݙسیا جو ٹیکسٹائل دی برآمدات ودھدی پئن جو چنڳی ڳالھ اے۔ ٹیکسٹائل روایتی طور برآمدات دا وݙا ذریعہ اے۔ وزیراعظم کابینہ کوں ݙسیا جو انڈونیشیا دے صدر دے ایں مہینے دورہ پاکستان بارے وی ݙسیا اتے آکھیا جو جینویں ملائیشیا دے نال اساݙا برادرانہ تعلق اے، اینویں انڈونیشیا وی اساݙا برادر ملک اے۔ انڈونیشیا دے نال تجارت اتے سرمایہ کاری ودھاوݨ بارے ایجنڈا ٻݨایا ویندا پئے۔ انڈونیشیا دے صدر دے دورہ پاکستان اچ حلال گوشت ، چاول اتے خوردنی تیل سودھے مختلف ش??یں دی تجارت بارے پیشرفت تھیسی۔ وزیراعظم لوئر کرم اچ امن معاہدے دے بعد معاہدے کوں سبوتاژ کرݨ کیتے کیتی ڳئی حرکت کوں افسوسناک قرار ݙتا اتے کابینہ کوں ݙسیا جو ایں واقع اچ ہک ڈپٹی کمشنر شدید زخمی تھیے جنہاں دا علاج جاری اے۔ وزیراعظم واقعے اچ زخمیاں دی جلدی صحت یاب?? کیتے دعا کیتی اتے جاناں ݙیوݨ آلے شہیداں کوں خراج عقیدت پیش کیتا۔ وزیراعظم کابینہ کوں انسانی سمگلنگ دے مک??وہ دھندے دے خلاف حکومتی اقدامات دا وی ݙسیا۔ انہاں آکھیا جو انسانی سمگلنگ نال ملک دی بدنامی تھیندی اے، ایں مک??وہ دھندے دا خاتمہ کریسوں۔ وزیراعظم آکھیا جو معیشت اچ استحکام امدا پئے، اساں آپݨا ونڄیا مقام جلدی ڳھنسوں۔
متحدہ عرب امارات دا 2 ارب ڈالر دی ادائیگی موخر کرݨ دا فیصلہ، معیشت اچ استحکام امدا پئے، اساں آپݨا ونڄیا مقام جلدی ڳھنسوں، وزیراعظم محمد شہباز شریف
مضمون کا ماخذ : گرم سے زیادہ گرم
متعلقہ مضامین
