اسلام آباد۔25ستمبر(اے پی پی) خارجه وزير شاه محمود قرېشي وئيلي دي د ملګرو ملتونو د عمومي اسمبلۍ 76م كلنې غونډې په موقعه د يو شمېر هېوادونو خارجه وزيرانو او د نړيوالو تنظيمونو مشرانو سره په خصوصي توګه د كشمير او افغانستان په شمول په نړيوالو او سيمه ايزو مسئلو شوې خبرې د اطمينان وړ پاتې شوې۔ هغه د دې خيالاتو څرګندونه د عمومي اسمبلۍ په 76 مه غونډه كښې د پاكستاني پلاوي د مشر په حېث د 5 ورځنۍ دورې په پايه كښې د پاكستاني ميډيا استازو سره خبرو كښې وكړه۔ هغه ووئيل زه ګڼم چې اوس نړيواله ورورولي د پاكستان په دريځ ښه پوهېږي۔ هغه ووئيل وزيراعظم عمران خان د عمومي اسمبلۍ غونډې ته د يو نړيوال مدبر په ډول خطاب وكړو۔ د وزيراعظم خطاب تعميري او مثبت ؤ۔ په خاص توګه هغه په خپل خطاب كښې په افغانستان كښې د اشرف غني حكومت ختمېدو او د طالبانو اقتدار كښې د بېرته راتللو سببونو معلومولو په اړه ووئيل۔ وزیراعظم د نړيوالې ورورولۍ په وړاندې د جموں وكشمير په اړه هندي پراپېګنډه په ډاګه كړه او د متنازعه منطقې حقيقي صورتحال ئې هم په ډاګه كړو۔ هغه مقبوضه وادۍ كښې د هندي امنيتي ځواكونو د بشري حقونو د منظمو او پراخا خلاف ورزيو په اړه په شواهدو د اډانه لرونكي ډوزئير هم حواله وركړه۔ خارجه وزير ووئيل د او آئی سی رابطه ګروپ سره د غونډې نتيجو نه هم مطمئن يؤ۔ په دغه غونډه كښې د تركيه ٬ سعودي عربستان او آذربائیجان خارجه وزيرانو ګډون وكړو او د كشمير مسئلې په اړه ئې د خپل دريځ پخلے وكړو۔ خارجه وزير د خپلې دورې په مهال د امريكا خارجه وزير انتھونی بلنکن سره د ملاقات په شمول يو شمېر خارجه وزيرانو سره ملاقاتونه وكړل۔ امريكائي خارجه وزير سره هغه د يو ساعت نه زيات اوږد ملاقات وكړو او هغه سره ئې په بېلو چارو د خيالاتو څرګندونه وكړه۔ هغه ووئيل امريكائي خارجه وزير د امريكا او نورو هېوادونو وګړي افغانستان څخه ويستلو او منطقه كښې امن په ځائې كولو له د پاكستان د هڅو ستائنه وكړه۔ د يوې پوښتنې په ځواب كښې هغه ووئيل افغانستان كښې د ټولشموله حكومت جوړېدو حوالې سره هم خبره وشوه او په دې لړ كښې هغه وړاندېز وركړو چې طالبان مصروف ساتلو سره او هغوي ته ترغيبات وركولو سره دا مقصد ترلاسه كېدے شي۔ خارجه وزير ووئيل د یونټی فار کنسنسز په وزارتي غونډه كښې په دې خبره اتفاق وكړے شو چې د سلامتي كونسل ري سټركچرنګ بايد د رايو اتفاق سره وكړے شي۔ غونډه كښې د سلامتي كونسل مستقل غړو شمېره كښې د زياتوالي مخالفت وكړے شو او د دې په ځائې د غېر مستل غړو په شمېره كښې د اضافې غوښتنه وكړې شوه۔ ملګرو ملتونو كښې د پاكستان دائمي استازې منېر اكرم او امريكا كښې د پاكستان سفير هم په دې موقعه موجود ؤ۔
د عمومي اسمبلۍ غونډې په مهال ملاقاتونه د اطمينان وړ وو٬ وزیراعظم عمران خان د يو نړيوال مدبر په ډول عمومي اسمبلۍ ته خطاب وكړو٬ د خارجه وزير شاه محمود قرېشي نيويارك كښې د پاكستاني ميډيا استازو سره خبرې
مضمون کا ماخذ : dupla sena acumulada
متعلقہ مضامین
.jpg)