اسلام آباد۔7ستمبر (اے پی پی):وزیراعظم عمران خان آکھیے جو آزاد عدلیہ دی وجہ توں ہی ملک ترقی کر سڳدے، قانون دی بالا دستی دے بغیر خوشحالی نی آسڳدی ، میں انصاف دا ٻول بالا کرݨ کیتے سیاست اچ قدم رکھیے، قانون دی حکمرانی کہیں وی ملک دی ترقی دی بنیاد ہے، 2007 دی وکلا تحریک اچ شمولیت تے فخر ہئی جو او قانون دی حکمرانی دی جدوجہد ہئی تاں جو ایندے جیڑھے نتائج حاصل تھیوݨے چاہیدے ہن او نی ملیے ، قانون دی حکمرانی مسلسل جدوجہد توں ممکن اے۔ اومنگل کوں اتھاں ڈسٹرکٹ کورٹس اسلام آباددے سنگ بنیاد دی تقریب توں خط??ب کریندے پئے ہن ، ایں موقع تے چیف جسٹس اسلام آباد ہائیکورٹ جسٹس اطہر من اللہ وی خط??ب کیتا ۔وزیر اعظم ھک ٻوٹا وی لاتے۔ وزیراعظم عمران خان آکھیے جو 25سال پہلے جݙاں سیاست شروع کیتی تاں آپݨی پارٹی دا نام انصاف دی تحریک رکھیا ۔ ۔1960 دے ݙھاکے و?? پاکستان ایں خطے اچ ترقی دے اعتبار نال چوتھے نمبر تے ہئی اتھاں معیاری جامعات ہن۔ سرکاری ہسپتالاں اچ بہتر علاج دیاں سہولتاں ہن 1985 دے بعد پاکستان تنزلی دا شکار تھیا ۔ سنگا پور ، بنگلہ دیش، انڈونیشیا اتے بھارت اساں توں اڳوں نکل ڳئن ۔ وزیراعظم آکھیے جو جݙاں او بھارت دے خلاف ایں سرزمین تے کھیݙ تے واپس پاکستان آںدے ہن تاں اینویں محسوس تھیندا ہئی جو ترقی پذی?? ملکاں توں ترقی یافتہ ملک اچ آ ڳیوں ۔ اتھاں غربت ہ??ی۔ انہاں آکھیے جو پاکستان دی تنزلی دی وجہ قانون دی حکمرانی نہ ہووݨ تے غریب اتے امیر کیتے انڄ انڄ قانون ہووݨ ہئی کیوں جو جیڑھی قوم ترقی کریندی اے اتھاں قانون دی حکمرانی ہوںدی اے ۔
قانون دی حکمرانی کہیں وی ملک دی ترقی دی بنیاد اے ،وزیراعظم عمران خان دا ڈسٹرکٹ کورٹس اسلام آباد دا سنگ بنیاد رکھݨ دی تقریب توں خطاب
مضمون کا ماخذ : لکی لیپریچون
متعلقہ مضامین
