اسلام آباد 17 دسمبر (اے پي پي) وزيراعظم عمران خان وئيلي دي د تعميرات څانګې وده او بې وسه طبقې له خپل كور وركول قامي خدمت دے٬ په دې لړ كښې د شعور بېدارولو لپاره دې كمپائن تند كړے شي٬ د هېواد په تاريخ كښې په وړومبي ځل بې وسو له خپل كور جوړولو لپاره كمرشل بېنكونه قرض وركوي۔ د دې خيالاتو څرګندونه ده د زيارت په ورځ د هاٶسنګ٬ تعميرات او ډوېلپمنټ لپاره د قامي رابطه كمېټۍ اوونيزي غونډې ته خپله وېنا كښې وكړه۔ په غونډه كښې د کمرشل بېنکونو نېشنل بېنك، حبيب بېنك ، يونائيټډ بېنك ، مسلم کمرشل بېنك ، الائيډ بېنك ، بېنك الحبيب، عسکري بېنك ، ميزان بېنك ، فېصل بېنك ، د جے اېس بېنك پشمول دي بېنک آف پنجاب، دبئي اسلامك ،سونيري بېنك ، بېنک الاسلامي، حبيب مېټرو ، البرکا ، اسټينډرډ چارټرډ، فرسټ ويمن بېنكونو او دې بېنك آف خېبر مشرانو په خاص توګه ګډون وكړو۔ د سټېټ بېنك ګورنر غونډه خبر كړه چې ټولو بېنكونو سره په ګډه به سټېرنګ كمېټي جوړولې شي چې پكښې به د آسان قرض وركولو د طريقه كار جاج اخستلے شي ٬ کمرشل بېنکونو د ګرد هېواد په 7700 برانچونو كښې كور جوړولو لپاره د قرض وركولو سهولت پېل كړے او په دې لړ كښې بې وسه او مېنځنۍ طبقه خبرولو لپاره په ميډيا كمپائن هم پېل كړے شوے ۔ غونډې ته ووئيل شول كمرشل بېنكونو نه قرض ترلاسه كولو لپاره په لويه شمېره درخواستونه ترلاسه كېږي۔ سټېټ بېنك د شكايتونو ازالې لپاره كمپلېنټ پورټل هم اجراء كړے په كوم چې مصرف كوٶنكو د قرض اخستو په مهال رامخې ته كېدونكې شكايتونه درج كولې شي۔د سټېټ بېنك ډپټي ګورنر ووئيل د كمرشل بېنكونو د كاركردګۍ جانچ پړتال لپاره سټېټ بېنك طريقه وضع كړے او د دې عمل پرله پسې نګراني روانه ده۔ وزيراعظم د تعميرات لپاره د كمرشل بېنكونو لخوا د مرستې ستائنه وكړه۔ ده ووئيل د پاکستان په تاريخ كښې په وړومبي ځل بې وسه كسانو ته خپل كور جوړولو لپاره كمرشل بېنكونه قرض وركوي كومه چې خوشبينه ده۔ وزيراعظم ووئيل د تعميرات څانګې وده او بې وسه اولس له د كور وركړه يو قامي خدمت دے۔ دغسې وزيراعظم د خبرتيا كمپائن لا ګړندي كولو امر وكړو ٬ د بېنكونو مشرانو د حكومت دې مهم قامي پروګرام بشپړولو لپاره د مرستې باور وركړو۔ د توان سېكرټري غونډې ته هاٶسنګ منصوبو لپاره د برېښنا په وركولو بريفنګ وركړو۔ د اېل ډي اے نائب چيرمېن غونډه د اېل ډي اے سټي نيا پاكستان هاؤسنګ اپارټمنټس لاهور په اړه خبر كړه۔ غونډې ته ووئيل شول په دې منصوبه كښې به په مجموعي توګه 35 زره يونټس جوړولې شي چې په كښې به زياتره بې وسه او مېنځنۍ طبقې لپاره مختص كولې شي۔ په وړومبي پړاو كښې به 4 زره يونټس جورولے شي۔ د دې منصوبې پي سي ون او ماسټر پلان منظور كړے شوے ٬ دا منصوبه په جون كال 2022 كښې بشپړېږي او د آسان قسطونو سهولت به موجود وي
د تعميرات څانګې وده او بې وسه طبقې له خپل كور وركول قامي خدمت دے٬ د وزيراعظم عمران خان
مضمون کا ماخذ : لاٹری جیتنے کے نمبر
متعلقہ مضامین
