اسلام آباد۔3اکتوبر(اے پی پی) د قومي اسمبلۍ سپيكر راجه پروېز اشرف سره د ګل په ورځ د المان او ناروے سفيرانو په پارليمنټ هاؤس كښې جلا جلا ملاقاتونه وكړل۔ په ملاقاتونو كښې د دوه اړخيزه اړيكو په شمول د شريكې خوښې په چارو د خيالاتو څرګندونه وشوه۔ سپيكر د المان سفير سره خپلو خبرو كښې ووئيل د پاكستان او المان ترمېنځه اړيكې د شريكو جمهوري اقدارو او څو اړخيزه مرستې په بنياد ولاړې دي۔ ده ووئيل د قامي اسمبلۍ او المان د پارلمان ترمېنځه پارليماني ډپلوماسي او مرسته د موجوده اړيكو په پياوړتيا كښې مهم رول لوبولې شي۔ په پاکستان کښې د موسمي بدلون د ویجاړونکو اغېزو په اړه د قومي اسمبلۍ سپیکر ووئيل چې وروستیو سیلابونو د هېواد یو په درېمه برخه ډوبه کړې او له 33 میلیونو نه زیات پاکستانیان بې کوره شوي دي۔ د موسمياتي بدلون دلاسه په رامخې ته شوي صورتحال قابو موندلو له د پاكستان قومي اسمبلۍ په روانډا كښې كېدونكي بېن الپارليماني يونين (آئی پی یو) كنفرنس كښې يو بېړنې قرارداد وړاندې كوي كوم كښې چې به د نړۍ پرمختګ كړې هېوادونو ته د پاكستان په څير پرمختګ كوؤنكو هېوادونو كښې د موسمياتي ستونزې د لاسه د شوي زيان ازالې لپاره اېمرجنسي ايجنډا آئټم وړاندې كولې شي۔ پاكستان كښې د المان سفير برن هارډ شیلاګیک سېلاب ځپليو سره خواخوږي ښكاره كړه۔ ده سپيكر ته باور وركړو چې د آئي پي يو د لارې به نړيوال فنډ لپاره د قومي اسمبلۍ د غوښتنې ملاتړ كولې شي۔ وروستو سپيكر راجه پروېز اشرف سره پاكستان كښې د ناروے سفير پر البرټ الاساس هم ملاقات وكړو۔ ملاقات كښې په دوه اړخيزه مرسته ٬ اقتصادي اړيكو او هېواد كښې د اوسنيو سېلابونو د لاسه په رامخې ته شوي صورتحال د خيالاتو څرګندونه وشوه۔ سپیکر ووئيل پاكستان ناروے خپل وفادار ملګرې او اقتصادي همكار ګڼي او ورسره خپلو دوه اړخيزه اړيكو ته وده وركول غواړي۔ ده د پارليمني غړو په تجربو كښې اضافې لپاره د پارليماني سفارتكارۍ په حاجت زور راوړو۔ ده ووئيل د پاكستان قومي اسمبلۍ د سېلاب ځپليو تكليف لرې كولو له په روانډا كښې كېدونكي د آئي پي يو كنفرنس په ايجنډا كښې د يو بېړني ايجنډا آئټم شاملولو وړاندېز وركړې دې چې مقصد يۍ پاكستان كښې د سېلاب ځپليو ناوړه حالت رامخې ته كول دي۔ سپيكر د كنفرنس په بېړنۍ ايجنډا كښې د سېلاب ستونزې شاملولو لپاره د ناروے څخه مرسته وغوښتله۔ د ناروے سفير د وروستيو سېلابونو دلاسه په شوي ځاني او مالي زيان د افسوس څرګندونه وكړه۔ ده د سېلاب ځپليو بحالۍ لپاره د خپل هېواد لخوا د مرستې باور وركړو۔ ده سپيكر ته باور وركړو چې د آئي پي يو د لارې به نړيوال فنډ لپاره د قومي اسمبلۍ د غوښتنې ملاتړ كولې شي۔
سپيكر پروېز اشرف سره د المان او ناروے سفيرانو جلا جلا ملاقاتونه
مضمون کا ماخذ : جڑواں اسپن
متعلقہ مضامین
