پېنډۍ 12 اګست (اے پي پي)د پوځ سرلښكر جنرل قمر جاوېد باجوہ سره د المان سفير برهنارډ اسټيفن شلاګېك٬ د اټاليه سفير اندرياس فېراريس٬ د هالېنډ سفير وليم ووټر پلمپ او د فرانس لنډ مهاله سفير يويس منويل د زيارت په ورځ جي اېچ كيو كښې ملاقات كړے ۔ د آئي اېس پي آر له مخئ د ملاقات په مهال د شريكې خوښې په چاور٬ د سيمه ايز صورتحال پشمول د افغانستان په تازه ترين صورتحال او اروپائي ائتلاف سره په دوه اړخيزه مرسته زياتولو د خيالاتو څرګندونه شوې۔ د پوځ سرلښكر جنرل قمر جاوېد باجوه ووئيل په افغانستان كښې د امن مطلب پاكستان كښې امن دے، د افغانستان په روانه شخړه كښې پاكستان څوك خوښ نه لري او زمونږ يوازنے خواهش په افغانستان كښې امن او په استحكام ترلاسه كولو كښې مرسته كول دي۔ سرلښكر ووئيل پاكستان د اروپائي ائتلاف هېوادونو سره خپلو اړيكو ته په درنه سترګه ګوري او مونږ د شريكو مفاداتو په بنياد د شريكې ګټې ګڼ اړخيزه اړيكو زياتولو لپاره سنجيده يو۔ په ملاقات كښې سفيرانو په سيمه ايز استحكام كښې د پاكستان د كردار ستائنه هم وكړه او په هره كچه پاكستان سره نورې مرستې لپاره ئې د خپل كردار لوبولو لوظ وكړو۔
.jpg)
