اسلام آباد۔26جنوری (اے پی پی) خارجه وزير مخدوم شاه محمود قرېشي وئيلي دي د پي ډي اېم نه كومه خطره نشته۔ پيپلز پارټي او ن ليګ د عدم اعتماد تحريك په راړولو يو بل سره اختلاف لري۔ د نوې امريكائي انتظاميې ترجيحات زمونږ د نقطه نظر له مخې دي۔ د نهې په ورځ پارليمنټ هاؤس نه بهر ميډيا سره خبرو كښې خارجه وزير ووئيل پي ډي اېم كښې يو والے نشته ۔ پيپلز پارټي كله هم استعفی وركولو او د سندھ حكومت قرباني وركولو ته تيارېدې نه شي۔ هغه ووئيل نېب قوانين كښې بدلونونو لپاره چې اپوزيشن كوم 34 نكات تجويز كړي هغه د عمل وړ نه دي۔ خارجه وزير ووئيل نوې انتظاميه حق لري چې څيزونو ته په خپل نقطه نظر وګوري۔ زمونږ دريځ دا دے چې د افغان مسئلې كوم پوځ حل نشته ٬ د دې يوازينې لاره مذاكرات دي۔۔ هغه ووئيل نوې امريكائي انتظاميه افغانستان كښې تشدد كښې كمے غواړي او مونږ هم دا غواړؤ۔ هغه ووئيل زه دا په ډاګه كول غواړم چې مونږ به نوې امريكائي انتظاميې سره د امن په هڅو كښې شريك يؤ۔ افغانستان كښې امن راوستل د ټولو ذمه واري ده۔ ټول بوج په پاكستان اچول مناسب نه دي۔ ده ووئېل د دې مسئلې اصل حل د افغان مشرتابه په لاس كښې دے۔ د يوې پوښتنې په ځواب كښې هغه ووئيل زمونږ په سفارت خانو كښې 80 فيصده افسران د خارجه وزارت نه اخستې شي او 20 فيصده د ضرورت له مخې د نورو څانګو نه۔ په سوشل ميډيا په دې اړه ډنډورې جواز نه لري۔ د كشمير په اړه خارجه وزير ووئيل د ملګرو ملتونو په شمول په هر يو نړيوال فورم مونږ د كشمير مسئله پورته كړې ۔ مونږ هيله لرو چې نوې امريكائي انتظاميه به په دې حقله خپل فعال كردار ترسره كړي۔ هغه ووئيل نړيواله ميډيا چې نن د مقبوضه كشمير په حقله څومره متحرك ده دومره وړاندې نه وه۔ دغسې د بشري حقونو نړيوال تنظيمونه هم نن د وړاندې په مقابل كښې په هند زيات ټكونه كوي۔ خارجه وزير ووئيل د كشمير سودا څوك هم نشي كولې ۔ زما اپوزيشن ته خواست دے چې هغوي په دې سياست نه كوي۔ هغه ووئيل د براډ شيټ په اړه مونږ سپېځلې پلټنې غواړؤ۔ دا لوظنامه كله وشوه ٬ چا وكړه ؟ پي ټي آئي د دې ذمه وار نه دے۔ خارجه وزير ووئيل هند سره د دوه اړخيزه تجارت هېڅ امكانات نشته۔ هند سره كومه بېك چېنل رابطه نشته۔ هغه ووئيل د سعودي عربستان مننه كوؤ كوم چې په سخت وخت كښې مونږ ته لاس راكړې۔ خارجه وزير ووئيل كله چې مونږ د مصنوعي طريقې سره د خپلې روپۍ مستحكم كولو هڅه كوؤ نو د دې زيان خو به وي لكه څنګه چې اسحاق ډار كړي۔ مونږ دغې غلطې پرېكړې ته بيا كتنه كړې ځكه د ډالر قيمت زيات شو۔ هغه ووئيل ګراني د مسلم ليګ نواز ډالۍ ده۔ په زيات نرخ د برښنا لوظنامې د ن ليګ ډالۍ ده۔ هغه ووئيل په دغې دوه نيمو كلونو كښې د قرض حجم 25 زره اربه نه 26 نيم زره اربه ته رسېدلې۔ كوم چې نزدې 11 نيم زره اربه جوړېږي۔ دې كښې درې زره اربه هغه وې كومې چې د ډالر بيعې زياتېدو د لاسه زمونږ په معيشت بوج شوي ۔ دې كښې 6 نيم زره اربه د تېرو حكومتونو اخستې شوو قرضونو په وركولو تلي
د نوې امريكائي انتظاميې ترجيحات زمونږ د نقطه نظر له مخې دي۔ د خارجه وزير مخدوم شاه محمود قرېشي پارليمنټ هاؤس نه بهر ميډيا سره خبرې
مضمون کا ماخذ : آن لائن لاٹری ٹکٹ
متعلقہ مضامین
