اسلام آباد 17 اګست (اے پي پي) صدر ډاکټر عارف علوي د وفاقي محتسب پرېكړې په ضد د صارف اپيل منظورولو سره نېشنل بېنك آف پاكستان په بېنك فراډ كېس كښې د بدانتظامۍ ذمه وار ګرځولے ٬ بېنك د ټولو كهاته دارو په خوارۍ د ګټلي رقم ذمه وار او امانت دار دے، د بينکنګ قوانين له مخې كاروائۍ ترسره كول د وګړو نه بلكې د مېنجر ذمه واري ده۔ د ايوان صدر پرېس ونګ لخوا د شورو په ورځ د جاري بيان له مخې صدر د وفاقي محتسب د پرېكړې په ضد د ايبټ آباد استوګن عاشق حسېن د اپيل منظوري وركولو سره وئيلې دي په ټګۍ وهلې روپۍ دې صارف ته سره د ګټې واپس كړې شي۔ ده ووئيل د نېشنل بېنك سينئر انتظاميه په بېنك برانچ كښې د ذمه وار او ايمانداره بېنك چارواكو په تعيناتۍ كښې پاتې راغلې ۔ تفصيلات له مخې يو ساده او نالوستي صارف څخه د برانچ مېنجر لس لكه روپۍ د ټګۍ د لارې وهلې وې او محتسب خپله پرېكړه كښې وګړے د رقم جمع كولو په وخت د بې غورۍ ذمه وار ګرځولے ٶ، محتسب روپۍ د کيشيئر په ځاے منېجر سره په جمع كولو، په رسيدونو د لاسليك پحقله د ضابطه كارۍ په خلاف ورزۍ وګړي ته ريليف نه دے وركړے۔ صدر وئيلې دي د بېنكنګ قوانين له مخې كاروائي بشپړول د منېجر ذمه واري ده د وګړي نه ٬ بېنك كښې د ايماندارو عهدېدارو په تقرر نه كولو د صارفينو باور ته زيان رسېدلے٬ صدر مملکت وئيلې دي په فرض نه تر سره كولو د بې شكه د بېنك عزت ته زيان رسېدلے٬ په برانچ كښې د چارواكو لخوا د ټګۍ ناقابل ترديد ثبوت موجود دے۔ ده ووئيل بېنك په دې ډول چارو كښې د ذمه وارۍ نه نشي خلاصېدے۔ صدر ډاکټر عارف علوي امر وكړو چې نېشنل بېنك دې په احكامات عملدرامد وكړي او په 60 ورځو كښې دې وفاقي محتسب ته رپورټ جمع كړي
په ټګۍ وهلې روپۍ دې صارف ته سره د ګټې بېرته وركړې شي، د صدر ډاکټر عارف علوي د وفاقي محتسب پرېكړې په ضد د صارف اپيل منظور كړو
مضمون کا ماخذ : لکی لیڈیز چارم
متعلقہ مضامین
